"Барселона" футболчиси Айтана Бонмати кўпчилик орзу қила оладиган мавсумни ўтказди.
Ярим ҳимоячи Айтана Бонмати 2023 йилги “Олтин тўп” соҳиби бўлди. Бу ерда ҳеч қандай интрига бўлмади - "Барселона" футболчиси мавсумни феноменал ўтказди.
Мана Бонматининг 2022/2023 йилги мавсумдаги мукофотлари ва ютуқлари:
Испания чемпиони;
Испания Суперкубоги;
Чемпионлар лигасидаги ғалаба;
Жаҳон чемпионатидаги ғалаба;
Жаҳон чемпионатининг "Олтин тўпи";
УЕФА йилнинг энг яхши футболчиси.
Кеча эса қиз йилнинг асосий шахсий соврини - "Олтин тўп"ни олди. Айтана ўзининг ғалаба нутқида Бонматини дунёдаги энг севимли футболчиси деб атаган Пеп Гвардиолани эслади, шунингдек, унинг кумирлари, жумладан Лео Мессига ҳурмат бажо келтирди.
"Футбол жамоавий ўйин ва мен бу совринни жамоадошларим ва ходимларимга бағишламоқчиман. Бошқа номзодларни ҳам табриклайман. Ўрнак сифатида биз майдонда ҳам, майдон ташқарисида ҳам масъулиятга эгамиз. Биз шунчаки спортчилардан кўпроқ бўлишимиз ва яхшироқ ва тенгроқ дунё учун биргаликда курашишда давом этишимиз керак.
Жаҳон чемпионати финали арафасида Пеп Гвардиола мени "аёл Иньеста" деб атади. Пеп мен учун намуна. Мен уни футболчи сифатида ушлай олмадим, лекин у Хави, Иньеста ва Месси билан бирга "Барcелона"нинг олтин даврини бошдан кечирганини кўриш бахтига муяссар бўлдим. Бу ҳаётимдаги энг ажойиб кунлар эди" - деди Бонманти.
France Football овоз беришнинг якуний тўртлигида Бонмати "Челси" ва Австралия терма жамоаси аъзоси Сэм Керр, шунингдек, унинг жамоадошлари Фридолина Рольфё ва Сальма Паральюэлони ортда қолдирди. Айтана ўз нутқида Жоан Лапортани ҳам алоҳида эслаб, унга клуб ривожи ва аёллар футболига қўшган ҳиссаси учун миннатдорчилик билдирди - кеча "Барселона" йилнинг энг яхши жамоаси деб топилди.
"Барселона" кетма-кет учинчи йил "Олтин тўп"ни ўзида сақлаб қолди. Олдинги икки мавсумда Каталония клуби ярим ҳимоячиси Алексия Путельяс дунёнинг энг яхшисига айланганди. 2022 йилнинг ёзида хочсимон боғлами ёрилишидан сўнг айнан Айтана Бонмати майдондаги ўз позициясини ёпди. Путельяс йўқлигида Бонмати кўп қиррали ўйинчи ролини ўз зиммасига олди, турли позицияларга тез мослаша олди ва ҳужумдаги асосий ўйинчилардан бирига айланди.
25 ёшли Бонмати Каталония ва Ла Масиа тарбияланувчиси бўлиб, у 14 ёшида "Барселона" академиясига қўшилган, бир кун "Камп Ноу"да ўйнашни орзу қилган (у амалга ошди). Тўрт йилдан сўнг у "Барселона"нинг асосий жамоасига қўшилди ва шу кунгача ўша ерда ўйнаб келмоқда.
"Барселона" билан биргаликда Бонмати тўрт марта Испания чемпиони ва икки карра Чемпионлар лигаси ғолиби бўлди. Ва ўтган мавсумдаги яна бир ажойиб статистика: Бонмати F лигасида 9+10 натижа қайд этди, Чемпионлар лигасининг 11 ўйинида бешта гол урди ва август ойида Австралия ва Янги Зеландияда бўлиб ўтган Жаҳон чемпионатида у барча еттита ўйинда майдонга тушди. Испания терма жамоаси таркибида 3 та гол урди ва иккита голга ассистентлик қилди. Жаҳон чемпионати финалида Англияни мағлуб этган Бонмати турнирнинг энг яхши футболчиси деб топилди.
Бонмати ва "Барселона" ўртасидаги севги ажойиб ҳикоя:
"Мен аёллар ва аёллар футболи билан шуғулланадиган клубдаман. Ишни бошлаганимда, менда профессионал ўйинчи учун барча шарт-шароит бўлишини тасаввур ҳам қила олмасдим", - деди Айтана Чемпионлар лигаси финали арафасида берган интервьюсида. - Ҳаёт шу қадар тез ўтмоқдаки, сиз қанчалик улғаётганингизни ўзингиз ҳам сезмайсиз. Шундай пайтлар бўладики, бундан ўн йил аввал "Кубельес" ёки "Рибес" эркаклар жамоаларида шуғулланардим ва келажакка умидим йўқ эди. Аёллар футболи аҳамиятсиз эди ва унга профессионал тарзда бағишлаб бўлмайди. Аммо йўл мени бу ерга олиб келди ва ҳақиқат шундаки, мен бундан жуда фахрланаман."
