«Манчестер Сити» ярим ҳимоячиси Кевин Де Брюйне кейинги йилгача майдонга қайтмайди.
Бельгиялик футболчи АПЛнинг 1-турида «Бёрнли»га қарши ўйинда жароҳат олганди. Аввалига 32 ёшли футболчини йил охирига қадар тузалиб кетиши мумкин деб ўйлашганди, аммо ҳозир бундай сценарий жуда даргумон кўринмоқда.
HLN хабарига кўра, Де Брюйне жами тўрт ойга яқин реабилитацияга муҳтож - унинг 2024 йил бошигача ўйнаш имконияти деярли йўқ. Футболчининг ўзи кутилаётган қайтиш санасини айтмади.