Мадриднинг «Реал» клуби ярим ҳимоячиси Жуд Беллингем яқин беш йил ичида нималарга эришмоқчи эканлиги ҳақида гапирди.

20 ёшли футболчи барча мумкин бўлган совринларни қўлга киритишни кутаётганини айтди: «Умид қиламанки, беш йилдан сўнг мен Чемпионлар лигасининг беш карра ғолиби бўламан, шунингдек, Европа чемпионати ва балки жаҳон чемпионатида ғолиб чиқаман.

Мен ҳар доим имкон қадар оптимистик бўлишга ҳаракат қиламан», - деди инглиз.

Жорий мавсумда Жуд Беллингем Карло Анчелотти жамоасида 13 та ўйинда майдонга тушиб, 13 та гол урди ва 3 та голли узатмани амалга оширди.

Ярим ҳимоячи июль ойида «Боруссия Дортмунд»дан 103 миллион евро эвазига «Реал Мадрид» сафига қўшилган эди.