"Ньюкасл"нинг швециялик ҳужумчиси Александр Исак ноябрь ойидаги халқаро танаффусдан сўнг сафга қайтиши мумкин. Бу ҳақда 90min нашри "қарғалар" бош мураббийи Эдди Хауга таяниб хабар берди.
"Умид қиламизки, Исак ноябрдаги халқаро танаффусдан кейин сафга қайтади", - дейди мураббий.
Эслатиб ўтамиз, Исак яқинда Чемпионлар лигаси доирасидаги Дортмунднинг "Боруссия"сига қарши ўйинда жароҳатланганди. Жамоалар ўтган чоршанба куни мусобақанинг гуруҳ босқичида майдонга тушишди. Швед биринчи 15 дақиқадан сўнг алмаштирилди.
Шундай қилиб, Александр ўз клубининг "Арсенал", "Боруссия Дортмунд" ва "Борнмут"га қарши ўйинларини ўтказиб юборади.
