«Нефтчи» Суперлиганинг 24-тури доирасида сафарда "Олимпик" клубига қарши майдонга чиқади.
Тошкентнинг "Олимпик" жамоаси мамлакатимизнинг энг ёш клубларидан бўлиб, 2021 йилда ташкил топган. Темур Кападзе бош мураббийлигидаги футболчилар 2021 йил футбол мавсумида Про лига мусобақаларида омадли қатнашиб, Суперлига йўлланмасини қўлга киритишга муваффақ бўлди. Жамоа уй учрашувларини пойтахтда жойлашган ЖАР спорт аренаси майдонида ўтказиб келмоқда.
"Нефтчи" футбол клуби миллий чемпионатимиз доирасида "Олимпик" жамоаси билан Про лигада 4 марта ва Суперлигада 3 марта ўзаро тўқнаш келишган. Буларнинг 2 тасида "Олимпик" ғалаба қозонган, 4 та учрашувда муроса кўчаси танланган ва фақат битта баҳсда фарғоналиклар устун келишган.Тўплар нисбати 4:8 тошкентликлар фойдасига.
Жамоаларнинг ўзаро Суперлигада қайд этилган учрашувнинг натижалари қуйидагича:
СУПЕРЛИГА
21.05.2023.
"Олимпик"-"Нефтчи" 0:0
08.10.2022.
"Олимпик"-"Нефтчи" 1:1
10.05.2022.
"Нефтчи"-"Олимпик" 0:0.
