Саудия Арабистонидаги инвестиция фондлари вакиллари «Мастерс» туркумидаги турнирларни ўтказиш ҳуқуқини Мадрид ёки Майамидаги ташкилотчилардан сотиб олиш имкониятини кўриб чиқмоқда, деб ёзади The Athletic.
Ушбу турнирлар International Management Group компаниясига тегишли. Манбага кўра, томонлар дастлабки музокараларни ўтказмоқда, бироқ келишув Яқин Шарқдаги можаронинг кескинлашуви фонида барбод бўлиши мумкин.
Аввалроқ Саудия Арабистони ATP Finals 2023 мусобақасини ўтказишдан манфаатдор эди, аммо якунда мусобақани Канкун (Мексика) шаҳрида ўтказишга қарор қилинди.
Эслатиб ўтамиз, жорий мавсумда Саудия Арабистонида кўргазмали турнир ўтказилди. Мадриддаги «Мастерс» турнири апрель ойида қумли кортларда, Майами турнири эса март ойининг охирида қаттиқ кортларда бўлиб ўтади.
