"Тоттенхэм" марказий ҳимоячиси Микки ван де Вен ўз позициясида кимни дунёнинг энг яхшиси деб билишини айтди.
22 ёшли футболчи Премьер-лигада жорий мавсум кашфиётларидан бирига айланди – у чемпионат жадвалида пешқадамлик қилаётган Анге Постекоглу жамоасининг барча учрашувларида майдонга тушди.
Нидерландиялик футболчининг сўзларига кўра, жаҳон футболидаги энг яхши марказий ҳимоячи "Манчестер Сити"да ўйнаётган Рубен Диашдир: "У жуда кучли, тўп билан яхши муомала қилади, "Манчестер Сити" футболини жуда яхши тушунади". Бу жамоада ҳар бир ҳимоячи тўп билан ишончли ҳаракат қилиши кераклигини ҳамма билади, бироқ менимча, Диашни яхлит хислатларига қаралса, чинакамига яхши футболчи”, — деди ван де Вен Sky Sports нашрига берган интервьюсида.
