"Манчестер Юнайтед" бош мураббийи Эрик тен Хаг яқинлашиб келаётган трансфер ойналарида янги ўйинчиларни сотиб олиши мумкинлиги ҳақида гапирди.
“Жамоамиз яхши таркибга эга. Мен бу футболчиларга ишонаман. Улар анча яхши ўйнашга қодир. Бу менга боғлиқ. Мен масъулиятни ўз зиммамга оламан ва жамоа ўйинини яхшилаш учун ҳамма нарсани қиламан. Мен янги трансферлар ҳақида ўйламайман", - деди нидерландиялик мутахассис Sky Sports нашрига.
Англия чемпионатининг ўн туридан сўнг “қизил иблислар” 15 очко жамғариб, турнир жадвалида саккизинчи ўринда бормоқда. “Манчестер Юнайтед”нинг навбатдаги ўйини Лондоннинг “Фулхэм” жамоасига қарши бўлади.
