"Manchester Yunayted" bosh murabbiyi Erik ten Xag yaqinlashib kelayotgan transfer oynalarida yangi o‘yinchilarni sotib olishi mumkinligi haqida gapirdi.
“Jamoamiz yaxshi tarkibga ega. Men bu futbolchilarga ishonaman. Ular ancha yaxshi o‘ynashga qodir. Bu menga bog‘liq. Men mas’uliyatni o‘z zimmamga olaman va jamoa o‘yinini yaxshilash uchun hamma narsani qilaman. Men yangi transferlar haqida o‘ylamayman", - dedi niderlandiyalik mutaxassis Sky Sports nashriga.
Angliya chempionatining o‘n turidan so‘ng “qizil iblislar” 15 ochko jamg‘arib, turnir jadvalida sakkizinchi o‘rinda bormoqda. “Manchester Yunayted”ning navbatdagi o‘yini Londonning “Fulxem” jamoasiga qarshi bo‘ladi.
