"Байер" кетма-кет ғалаба қозониш бўйича клуб рекордини ўрнатди.
Бугун Хаби Алонсон шогирдлари Бундеслиганинг 10-тури доирасидаги ўйинда "Хоффенхайм"ни мағлуб этишди (3:2). Бу ғалаба Леверкузен клуби учун барча мусобақалардаги 10-ғалаба бўлди.
Бу “Байер”нинг 1979 йилда Бундеслигага чиққанидан бери рекорд даражадаги ғалабали сериясидир. Аввалроқ, максимал натижа (кетма-кет 9 ғалаба) 2013 йилда қайд этилганди.
Бу мавсумда “Байер” 16 та ўйинда 15 та ғалабага эришди. 15 сентябрь куни жамоа “Бавария” билан дуранг ўйнади (2:2).
