Бугун “Манчестер Сити” Англия Премьер-лигасининг 11-турида “Борнмут”ни мағлуб этди.
Учрашув 6:1 ҳисобида “шаҳарликлар” фойдасига ҳал бўлди. Силва 85 дақиқани майдонда ўтказди ва иккита гол урди.
Бу дубль португалиялик ярим ҳимоячи учун 2021 йилнинг декабрь ойидан бери Премьер-лигадаги биринчиси бўлди. Ўша учрашувда Силва Англия чемпионатининг 15-тури доирасидаги ўйинда "Уотфорд" дарвозасига икки марта (3:1) аниқ зарба бера олди.
Жорий мавсумда 29 ёшли футболчи барча турнирларда 12 та ўйин ўтказиб, 3 та гол урди ва 2 та голли узатмани амалга оширди.
Ғалаба эвазига "Манчестер Сити" "Тоттенхэм"ни ортда қолдириб, АПЛ турнир жадвалида пешқадамлик қилди.
