"Арсенал" бош мураббийи Микель Артета АПЛнинг 11-туридан ўрин олган "Ньюкасл"га (0:1) қарши ўйиндан сўнг ҳакамликни танқид қилди.

Ҳакамлар “Ньюкасл”нинг голини ҳисоблаб, тўпнинг чизиқдан кесиб ўтганини, Жоэлинтоннинг Габриэлга нисбатан қўполлиги эҳтимоли борлигини ва гол урган Энтони Гордоннинг офсайд ҳолатини текширишди.

"Мен футболчиларни ушбу стадионда бу рақибга қарши ўйнаган ўйинлари ва кураши учун мақтадим. Натижа турли сабабларга кўра бошқача бўлди. Агар бирон бир жамоа ғалаба қозонишни хоҳласа, бу "Арсенал" эди.

Биз дунёнинг энг яхшиси деб атайдиган лигада бу гол бекор қилинмаганидан уялдим. 20 йилдан бери шу юртдаман ва энди бу мен учун уятли. Бу шармандалик.

Жуда кўп нарса хавф остида. Биз ақл бовар қилмайдиган нарсаларни қилишга, ҳар ҳафта энг юқори даражада ишлашга ҳаракат қиляпмиз. Биз етарли даражада яхши бўлмаганимизда, мен бунинг учун жавобгарликни ўз зиммамга оламан. Лекин ҳозир содир бўлган воқеа бу лигада бўлиши керак бўлган даражага, бу лигада кечаётган курашга тўғри келмайди. Мен бунга алоқам борлигидан уяламан", - деди Артета BBC билан суҳбатда.