ESPN нашри ВАР ҳакамдан ўз қарорини қайта кўриб чиқишни сўраган барча ҳолатларни қайд қилди.

Маълум бўлишича, ўтган турлар давомида 25 та шундай ҳолат бўлган. Яъни 100+ ўйинда ҳакамнинг 25 та қарори видеоассистентлар томонидан хато деб топилган. Бунда ВАР эпизодни кўриб чиққан ҳолатлар ҳисобга олинмайди, фақат ВАР ҳакамга қарорни қайта кўриб чиқишни таклиф қилган ҳолатлар ҳисобга олинади.

Рўйхатга «Тоттенхэм» – «Ливерпуль» учрашувидаги шов-шувли эпизод киритилмагани аниқ, чунки у ерда ВАР хато қилиб ҳакам қарорига рози бўлган.

Маълум бўлишича, Англияда ҳакамлар ҳар бир учрашувда ўртача 0,25 марта хато қилишган. Тўртта ўйинда битта хато. ВАР бу хатоларни тузатди.