"Сельта" бош мураббийи Рафаэль Бенитес ВАР тизими тамойилларини тушунмаслигини айтди.
"ВАР учун рақибга таъсир даражасини аниқлай оладиган физик бўлиши керак. Ажабланарлиси шундаки, ВАР аввалига пенальти белгиланиши кераклигини айтади ва шундан кейингина алоқа даражаси аниқланади. Сиз ҳақиқатан ҳам физикни таклиф қилишингиз керак бўлади. Бизда 8, 9 ёки ҳатто 10 очко кўпроқ бўлиши мумкин эди. Биз бу вазиятларни муҳокама қиламиз, чунки офисдаги кимдир рақибнинг зарбаси интенсивлигини нотўғри баҳолаган. Мен буни тушуна олмаяпман, тушуниб бўлмайди", - деди Бенитес Marca нашрига.
Эслатиб ўтамиз, кеча, 4 ноябрь куни Ла Лига доирасида "Сельта" билан "Севилья" баҳси бўлиб ўтди. Учрашувнинг 90+7-дақиқасида ҳакам аввалига Андалусия жамоаси дарвозасига пенальти белгилади, бироқ эпизодни кўриб, ВАР қарорини ўзгартирди. Ўйин 1:1 ҳисобида якунланди.
