Неаполь кўчаларида содир бўлган воқеа - "Наполи" вице-президенти Эдо де Лаурентис ўзининг Porsche Cayenne машинасини ҳайдаб кетаётиб, аварияга учради. У бошқа машинага бориб урилган ва бу шаҳар кўприкларидан бирида содир бўлган.
Италиянинг ITASportPress ахборот агентлиги нашрида айтилишича, урилган машинада бўлган қиз жароҳатланган. Шунингдек, Эдонинг ҳамроҳларидан бири ҳам тиббий ёрдамга муҳтож эди.
Айни пайтда неаполликлар Чемпионлар лигасидаги навбатдаги ўйинига бор кучлари билан ҳозирлик кўрмоқда – франциялик мутахассис Руди Гарсия жамоаси Германиянинг "Унион"и билан курашиши керак.
