“Манчестер Сити” ярим ҳимоячиси Родри Эрнандес ўтган ёзда Франциянинг “Ренн” клубидан Пеп Гвардиола жамоасига келиб қўшилган жамоанинг янги футболчиси Жереми Докунинг ўйини ҳақида фикр билдирди.

"Доку келиши билан бизда узоқ вақтдан бери бўлмаган профилдаги ўйинчи пайдо бўлди. Балки Раҳим Стерлинг ва Лерой Сане ҳам худди шундай услубда ўйнагандир. Мен тезкор вингерлар ҳақида гапиряпман. Доку ҳозир ўзини бахтли ҳис қилмоқда ва мен у учун жуда хурсандман" - деди Родри.

Эслатиб ўтамиз, Англия Премьер-лигасининг сўнгги турида Доку "Борнмут" билан ўйинда битта гол урди ва 4 та голли узатмани амалга оширди. “Шаҳарликлар” йирик 6:1 ҳисобида ғалаба қозонишди.