"English Accent" телеграм канали ВАР тизимининг жорий мавсумдаги Премьер-лига жамоаларининг голларига таъсири ҳақида қизиқарли статистик маълумотларни тақдим этди.
Видеотакрорлардан энг катта фойдани "Манчестер Сити" ва "Ноттингем Форест" клублари кўрди. ВАР аралашуви туфайли бу икки жамоа иккитадан гол уришди. Бу борада асосий жабрланувчи "Манчестер Юнайтед” ҳисобланади. Видеотакрорлар туфайли “қизил иблислар” урилган бешта голдан маҳрум бўлишди.
11 тур натижаларига кўра, "Манчестер Сити" Англия чемпионати турнир жадвалида пешқадамлик қилмоқда, "Манчестер Юнайтед" эса атиги саккизинчи ўринни эгаллаб турибди.
