Эрлинг Холанд "Янг Бойз" жамоасига қарши бўлиб ўтадиган Чемпионлар лигаси ўйинида майдонга тушмаслиги мумкин.
Бу ҳақда "Манчестер Сити" бош мураббийи Пеп Гвардиола маълум қилди.
Холанд шанба куни АПЛ доирасида "Борнмут"га қарши ўйинда (6:1) жароҳат олди. "Манчестер Сити" ҳужумчиси биринчи бўлим тугашига оз вақт қолганида жароҳат олди ва танаффусда алмаштирилди.
“Мен сизга охирги янгиликларни бера олмайман. Бугун тушдан кейин машғулотимиз бор. Холанд унда иштирок этадими ёки йўқми, билмайман. Кеча у менга ўзини анча яхши ҳис қилаётганини айтди, лекин мен билмайман" - деди Гвардиола.
