«Манчестер Юнайтед» Франция 1-лигаси етакчиларидан бири – «Монако»нинг икки футболчисига қизиқиш билдирмоқда.
90min портали хабарига кўра, «қизил иблислар»нинг эътиборини 22 ёшли ҳимоячи Вандерсон де Оливейра ва 24 ёшли ярим ҳимоячи Юсуф Фофана жалб қилган.
Аниқлик киритилишича, «Манчестер Юнайтед» ҳимоянинг ўнг қанотини Вандерсон билан кучайтиришни режалаштирмоқда, чунки Аарон Уан-Биссаканинг келажаги ҳали аниқ эмас. Фофана билан эса Эрик тен Хаг Каземиронинг ўрнини босмоқчи.
Эслатиб ўтамиз, «Манчестер Юнайтед» мавсумга унчалик яхши интеграциялашгани йўқ – клуб АПЛ турнир жадвалида саккизинчи ўринни эгаллаб турибди ва 11 турдан кейин 18 очко тўплаган.