Тони Кроос Германияда медиа-футбол лигасини ташкил қилади.
«Реал Мадрид» ярим ҳимоячиси блогер ва стример Элигелла билан биргаликда лойиҳани бошлайди.
The Icon League деб номланадиган турнир 2024 йилнинг ёзида бошланиши кутилмоқда.
Томошабинларни янги футбол форматига жалб қилиш учун лига футбол индустрияси, мусиқа ва кўнгилочар соҳадаги таниқли шахсларни таклиф қилишни режалаштирмоқда.
Крооснинг ўзи ҳам ўз турнирида «тезкорроқ, ранг-баранг ва кутилмаган воқеалар бўлган жанговар футбол» бўлишини кутмоқда.
Жорий йилнинг бошида Испанияда медиа лигани «Барселона»нинг собиқ ҳимоячиси Жерар Пике ташкил қилган эди.
