Туркия Суперкубоги иштирокчилари Саудия Арабистонидаги мусобақага қарши чиқишди.
Туркия Суперкубоги учун ўйин 29 декабрь куни Ар-Риёдда бўлиб ўтиши режалаштирилган. Кубок "Галатасарой" ва "Фенербахче" ўртасида ўйналади.
ESPN хабарига кўра, клублар 1923 йилда Усмонлилар империяси парчаланиб кетган Туркия Республикаси ташкил топганининг 100 йиллиги муносабати билан Суперкубок ўйинини Туркияда ўтказмоқчи.
Якшанба куни “Фенербахче” раҳбарияти ушбу ўйинни шу йилнинг июнь ойида Чемпионлар лигаси финали бўлиб ўтган Истанбулдаги “Отатурк” стадионида ўтказишни таклиф қилди. Муқобил вариант сифатида “Самсунспор”нинг уй стадиони таклиф қилинган.
"Галатасарой" душанба кунги бошқарув кенгашининг кун тартибига Туркия Суперкубоги ўтказиладиган жой масаласини ҳам киритди. Клуб ёшлардан “қайси жамоани қўллаб-қувватлашидан қатъи назар, миллий ўзига хослик билан ўз майдонларида ўйинни томоша қилишларини” истайди.