"Барселона" бош мураббийи Хави Чемпионлар лигаси гуруҳ босқичи 4-турида "Шахтёр"дан учралган мағлубият (0:1) ҳақида гапирди.

“Биз паст даражадаги ўйин кўрсатдик - тўпни йўқотиш, эгалик қилишда муаммолар, ҳужумда муаммолар. Бу йиллар давомида эсимда қолган энг ёмон учрашувлардан бири. Биз қийин даврни бошдан кечирмоқдамиз, буни тан олишимиз керак. Бу - шармандалик.

Ҳаммаси ўзимизга боғлиқ, кейинги ўйинда ўз уйимизда "Порту"га қарши ўйнаймиз. У ерда биз плей-оффга чиқишимиз мумкин. Яқинда биз яхши футбол ўйнаётгандик. Бу руҳий муаммо", - дея Хави сўзларини келтиради Marca.

“Барселона” 9 очко билан “H” гуруҳида пешқадамликни давом эттирмоқда. Кейинги турда каталонияликлар “Порту”ни қабул қилади.