Нуну Эшпириту Санту "Ал-Иттиҳод" бош мураббийлигидан четлатилди.
Саудия Арабистони жамоаси Осиё чемпионлар лигасида Ироқнинг “Ал-Қува” клубидан учралган мағлубиятдан сўнг (0:2) португалиялик мутахассисни истеъфога чиқарганини маълум қилди.
Бундан ташқари, "Ал-Иттиҳод” Саудия Арабистони чемпионатида қаторасига бешта учрашувда ғалаба қозона олмаяпти ва турнир жадвалида олтинчи ўринда бормоқда.
Ўтган мавсумда Нуну Эшпириту Санту бошчилигидаги "Ал-Иттиҳод" Саудия Арабистони чемпионлигини қўлга киритди.
Мавсум оралиғида жамоага ҳужумчи Карим Бензема, шунингдек, ярим ҳимоячилар Нголо Канте ва Фабиньо қўшилди.
