Италиянинг “Милан” клуби Чемпионлар лигасидаги илк ғалабасини қўлга киритди ва энди клуб бош мураббийи Стефано Пиоли ўзини анча қулай ҳис қилмоқда. У ҳосил бўлган туртки футболчиларга Италия чемпионатидаги навбатдаги ўйинни тўғри ўтказишга ёрдам беради, деган умидда.
"Энди биз чемпионатда ғалаба қозонишимиз керак, бизда "Лечче"га қарши яхши ўйнаш учун ҳамма нарса бор. Биз тартибни тиклашимиз керак", - деди Пиоли pianetamilan.it билан суҳбатда.
"Лечче" - "Милан" учрашуви 11 ноябрь, шанба куни бўлиб ўтади. Ҳозирча Стефано Пиоли шогирдлари турнир жадвалида учинчи ўринда бормоқда.
