Мадриднинг “Атлетико” клуби ҳужумчиси Антуан Гризманн Чемпионлар лигаси доирасида “Селтик”га қарши ўйиндаги ғалаба (6:0) ҳақида фикр билдирди. Футболчи дубль қайд этди.
“Биз ўйинни жуда яхши бошладик ва аввалига буни уддалай олмагандик. Кейин четлатиш бизга хотиржамлик, ўйнаш учун кўпроқ жой берди. Жамоа ҳақиқатдан ҳам яхши ўйин кўрсатди, биз худди шу руҳда давом этишимиз керак.
Худди терма жамоадаги каби бугун ҳам бироз узоқроқ ўйнадим, жамоага имконият яратишга ҳаракат қилдим. Тўпларни ютиш ва ярим ҳимоячи қиладиган ишни қилиш эди вазифам. Мен ҳар доим қайси позицияда ўйнасам, бор кучимни беришга ҳаракат қиламан ва бугун ҳаммаси яхши ўтди.
Саралаш муҳим, кейин биринчи бўлсак, бу янада яхши. Лекин энг муҳими 1/8 финалга чиқиш. Энди бизни Нидерландияда қийин ўйин кутиб турибди ва биз бу қийинчиликни қабул қилишимиз керак", - деди Гризманн УЕФА расмий сайтига.
