"ПСЖ" ҳужумчиси Килиан Мбаппе италиялик дарвозабон Жанлуижи Доннарумманинг "Сан-Сиро"га қайтиши ҳақида фикр билдирди. Доннаруммани миланлик мухлислар меҳр билан кутиб олмаслиги олдиндан маълум эди. Мбаппенинг сўзларига кўра, у ва унинг жамоадошлари италиялик дарвозабонни салбий нарсалардан ҳимоя қилиш учун ҳамма нарсани қилган.

"Доннаруммани оддий кутиб олишмади. Эҳтимол, улар жуда кўп шовқин қилишди ва бу мавзуда эътиборни жалб қилишди. Биз "ПСЖ" футболчилари уни босимдан имкон қадар ҳимоя қилдик. Ғалаба қозона олмаганимиз жуда ачинарли", - деди Мбаппе ITASportPress билан суҳбатда.

Кейинги турда "ПСЖ" Англиянинг "Ньюкасл" жамоасига қарши баҳс олиб боради.