«Барселона»нинг собиқ ҳимоячиси Жерар Пике колумбиялик қўшиқчи Шакира билан ажрашганидан сўнг танқидларга қандай муносабатда бўлишини айтди.
«Агар ҳозир мен ҳақимда айтаётган гапларга аҳамият берсам, ўзимни квартирамга қамаб қўйган бўлардим ёки ўзимни олтинчи қаватдан улоқтирган бўлардим.
Ақли жойида бўлган ҳолда содир бўлаётган воқеалардан омон қолишнинг ягона йўли - ғийбатга эътибор бермасликдир.
Бу ҳақда гапиришни истамайман ва айтмайман ҳам, лекин одамлар аслида нима бўлганини билмайди», - дея Пикенинг сўзларини келтиради Goal.
