"Реал" бош мураббийи Карло Анчелотти Жерар Пикенинг сўнгги баёнотига изоҳ берди.
"Барселона"нинг собиқ ҳимоячисининг айтишича, "Реал Мадрид"нинг 2021/22 йилги Чемпионлар лигасидаги ғалабаси - бу "ҳеч ким эсламайдиган мўъжиза".
"Пике ўз дунёсида яшайди", деди Анчелотти испаниялик собиқ футболчининг баёноти ҳақидаги саволга. - Чемпионлар лигасидаги 14-ғалабамизни ҳеч ким ҳеч қачон унутмайди. Биз буни бутун умримиз давомида эслаймиз", - дея италиялик мутахассиснинг сўзларини келтиради Madrid Xtra.
Эслатиб ўтамиз, Чемпионлар лигасининг 2021/22 йилги мавсуми финалида “Лос Бланкос” “Ливерпуль”ни минимал ҳисобда мағлуб этганди.
