"Челси" марказий ҳимоячиси Аксель лондонликлар сафига ўтиши ҳақида гапирди.

Франциялик футболчи август ойида "аристократлар" сафига келиб қўшилганди, у "Монако"дан 45 миллион евро эвазига сотиб олинган.

“Аввалги мавсумни яхши ўтказдим ва бу ҳаракат қилиш учун тўғри вақтдек туюлди. Англия Премьер-лигаси менга жозибадор вариантдек туюлди. Мен катта клубга киришим кераклигини англадим. Конфорт зонамдан чиқиб кетиш учун юқори даражага кўтарилишим керак эди”, деди 25 ёшли футболчи L'Equipe нашрига.

Аксель Дисаси "Челси"нинг барча мусобақаларда 13 та ўйинида қатнашиб, битта гол урган.