"Челси" вингери Кристофер Нкункунинг тикланиши аввалдан режалаштирилган муддатдан олдинроқ кетмоқда, деб ёзади журналист Бен Жейкобс.
Манбага кўра, футболчи аллақачон спорт залида фаол машғулотлар билан шуғулланмоқда, футболчининг соғайиш жараёни эса анча тезлашмоқда.
Аввалроқ Маурисио Почеттино Нкунку энг яхши сценарийда майдонга 25 ноябрда тушиши мумкинлигини айтганди. Шу куни “аристократлар” АПЛ доирасида “Ньюкасл”га қарши майдонга тушишади.
Эслатиб ўтамиз, ёзги йиғиндаги жароҳати сабаб Нкунку жорий мавсумда бирорта ҳам ўйин ўтказмади. Футболчи “РБ Лейпциг”дан 60 миллион евро эвазига сотиб олинган.
