"Манчестер Юнайтед" барча мусобақаларни ҳисобга олган ҳолда мавсумнинг дастлабки 17 учрашувидан 9 тасида мағлуб бўлди. Бу "қизил иблислар" билан 1973/1974 йилги мавсумдан бери биринчи марта содир бўлди.

17 ўйиндан "манкунианликлар" атиги саккизтасида ғалаба қозонишган, бир марта ҳам дуранг ўйнамаган. Эрик тен Хаг жамоасининг сўнгги мағлубияти кечаги кунга тўғри келади - "Манчестер Юнайтед" Чемпионлар лигаси гуруҳ босқичида Даниянинг "Копенгаген" жамоасига мағлуб бўлди.

"А" гуруҳида "қизил иблислар" уч очко билан турнир жадвалининг сўнгги поғонасида бормоқда. “Бавария” пешқадам, “Копенгаген” иккинчи ўринда. Англия Премьер-лигасида "МЮ" 11 учрашувдан сўнг саккизинчи ўринда бормоқда. Бундан ташқари, тен Хаг жамоаси Англия Лига кубоги баҳсида "Ньюкасл"га мағлуб бўлиб, турнирни тарк этди.

Ички чемпионатнинг навбатдаги ўйинида "Манчестер Юнайтед" ўз майдонида "Ливерпуль" билан беллашади.