«Барселона» клуби ҳужумчиси Давид Вилья қишки трансфер ойнаси очилган вақтда жамоани тарк этишга қарор қилди. Бу ҳақда Марса нашри xабар беради.
Испания терма жамоасининг 31 ёшли ҳужумчиси ўзига доимий ўйин амалиётини берадиган жамоа топмоқчи. «Барселона» эса футболчини ёзгача қўйиб юбормоқчи эмас.
Каталония клуби футболчи молиявий шартларига кўнадиган бўлса, у билан шартнома имзолашга ҳам тайёр.
Вильяга бир қатор клублар қизиқиш билдирмоқда. Улар қаторига «Ливерпуль», «Тоттенҳэм», «Арсенал» ва «Ювентус»ни келтириш мумкин.