"Манчестер Юнайтед"нинг собиқ футболчиси Оуэн Харгривз Эрик тен Хаг жамоасининг асосий муаммоларидан бирини айтиб ўтди.
Бир кун аввал "Манчестер Юнайтед" Чемпионлар лигаси доирасида "Копенгаген"га сафарда мағлуб бўлди ва гуруҳда сўнгги ўринга тушиб кетди.
"Ҳозирги "Манчестер Юнайтед"даги ёмон вазият дарҳол жуда ёмон ҳолатга айланади. Улар ўйиндаги муваффақиятсизликларга қандай муносабатда бўлишни билишмайди. Агар бирор нарса бироз режага мувофиқ кетмаса - тамом.
Данияда бўлиб ўтган ўйинда Рэшфорд майдондан четлатилган ёки Бруну пенальтидан гол урганидан сўнг жамоани тинчлантирадиган ўйинчи йўқ эди. "Манчестер Юнайтед" жуда заиф бўлиб қолди. Рақиблар улар билан ўйинларни ўзгартириши осон", - деди Оуэн Харгривз.
