Хайфанинг «Маккаби» клуби ҳужумкор ярим ҳимоячиси Диа Саба жамоа билан ишлашдан четлаштирилди. Бу ҳақда Испаниянинг Marca нашри ўз саҳифаларида хабар берди.
Манбага кўра, бунга 30 ёшли футболчининг рафиқаси ижтимоий тармоқларда эълон қилган пости сабаб бўлган.
Қиз ўз саҳифасида Яқин Шарқда тинчлик ўрнатишга чақириқни ифода этувчи постни жойлаштирди. «Маккаби» мухлислари бундан ғазабланишди ва Саба клуб қарори билан дисквалификация қилинди.
Диа Саба шу йилнинг январь ойи охирида Ҳайфанинг «Маккаби» жамоасига қўшилди.
Эслатиб ўтамиз, Хайфанинг «Маккаби» клуби айни дамда Европа Лигаси гуруҳ босқичида иштирок этмоқда.
