«Манчестер Юнайтед» ҳужумчиси Маркус Рэшфорднинг акаси Дэйн Рэшфорд Майами-Бичда ҳибсга олинди.
Бу 20 октябрь куни содир бўлди. У уй зўравонлигида айбланган, шундан сўнг суд 1500 доллар миқдорида гаров тўловини белгилаган. Бу ҳақда The Telegraph нашрига таяниб Marca хабар бермоқда.
Қайд этилишича, Дэйн Рэшфорд ўз айбини тан олмаяпти – иш бўйича навбатдаги суд мажлиси 27 ноябрга белгиланган.
Шу билан бирга, америкалик ҳуқуқ-тартибот идоралари Дэйннинг мамлакатда қолиши ёки қолмаслигини билишмайди.
Дэйн Рашфорд футбол агентлигини бошқаради, унинг мижозлари орасида Маркус Рэшфорд ҳам бор.
