«Манчестер Юнайтед»нинг собиқ ҳимоячиси Рио Фердинанднинг фикрича, «манкунианликлар»га характер етишмаяпти.

8 ноябрь куни «Манчестер Юнайтед» Чемпионлар лигаси гуруҳ босқичи 4-тур учрашувида «Копенгаген»га имкониятни бой берди (3:4), учрашув давомида 2:0 ҳисобида улар олдинда бораётган эди.

«Биз яна инқироз ҳолатига қайтдик. «Манчестер Юнайтед» ҳозирда «роллеркоастер»га ўхшайди. Ҳеч қандай изчиллик йўқ.

Улар таслим бўлишади ва мен учун бу характернинг етишмаслигидан далолат беради. Агар улар қийин вазиятларга тушиб қолишса ёки босим остида қолишса, уларни бу вазиятлардан чиқариб юборадиган етакчилар етишмаяпти», - дея Фердинанднинг сўзларини келтиради Eurosport.