«Manchester Yunayted»ning sobiq himoyachisi Rio Ferdinandning fikricha, «mankunianliklar»ga xarakter yetishmayapti.
8 noyabr kuni «Manchester Yunayted» Chempionlar ligasi guruh bosqichi 4-tur uchrashuvida «Kopengagen»ga imkoniyatni boy berdi (3:4), uchrashuv davomida 2:0 hisobida ular oldinda borayotgan edi.
«Biz yana inqiroz holatiga qaytdik. «Manchester Yunayted» hozirda «rollerkoaster»ga o‘xshaydi. Hech qanday izchillik yo‘q.
Ular taslim bo‘lishadi va men uchun bu xarakterning yetishmasligidan dalolat beradi. Agar ular qiyin vaziyatlarga tushib qolishsa yoki bosim ostida qolishsa, ularni bu vaziyatlardan chiqarib yuboradigan yetakchilar yetishmayapti», - deya Ferdinandning so‘zlarini keltiradi Eurosport.
