Италиянинг “Милан” клуби Чемпионлар лигаси гуруҳ босқичининг 4-турида Франциянинг “ПСЖ” клубини мағлуб этди ва жамоанинг илк голини португалиялик ҳужумчи Рафаэль Леау киритди. У қайчи услубида рақиб дарвозасига зарба берди, клубнинг собиқ дарвозабони Жанлуижи Доннарумма бу борада ҳеч нарса қила олмади.
Маълум бўлишича, Леау Чемпионлар лигасида қайчи усулида гол урган учинчи миланлик футболчи бўлди. Биринчи бўлиб 1992 йил 25 ноябрда Марко ван Бастен гол урган, у "Гётебург" дарвозасига тўртта гол урди - улардан бири қайчи услубида эди. 2012 йилнинг 21 ноябрида эса франциялик футболчи Филипп Мексес “Андерлехт”га қарши ўйинда ҳам худди шундай гол киритганди.
