Пайшанба оқшомида "Ливерпуль" УЕФА Европа лигаси доирасида "Тулуза" майдонига ташриф буюрди. “Қизиллар” франциялик рақибига 2:3 ҳисобида мағлуб бўлди.
Шу тариқа, "Ливерпуль" жорий мавсумдаги расмий ўйинлардаги иккинчи мағлубиятини қабул қилиб олди. Аввалроқ Юрген Клопп жамоаси мавсумдаги ягона мағлубиятини 30 сентябрь куни "Тоттенхэм"га қарши сафарда (1:2) қабул қилиб олганди.
Гуруҳ босқичининг тўрт туридан кейин “Ливерпуль” 9 очко билан "Е" гуруҳида ҳамон биринчи ўринда бормоқда. “Тулуза” 7 очко билан иккинчи ўринга кўтарилиб олди. Учинчи ўринни Бельгиянинг "Унион" жамоасии эгаллаб турибди - 4 очко, Австриянинг ЛАСК жамоаси эса охирги ўринда - 3 очко.
