Уэйн Рунининг фикрича, технология ривожи футболчиларнинг майдондаги хатти-ҳаракатларига таъсир қилади.
«Мен бу ҳақда футболчилар билан доим гаплашаман - мулоқот ҳақида. Нафақат бизда, балки бошқа ҳар қандай жамоада ҳам майдонда суҳбат, ўзаро ёрдам камлигини кўрасиз.
Одамлар телефонда, ижтимоий тармоқларда қанча вақт ўтказадилар... Энг муҳими одамлар билан юзма-юз гаплашиш бўлса, телефонда, бу барча платформаларда суҳбатлашиш осон. Албатта, сўнгги йилларда майдондаги вазият ўзгарди, бунга шубҳа йўқ.
Мен ўйинчилар билан кўпроқ мулоқот қилишига ҳаракат қиляпман. Қанчалик кўп гапирсангиз, жамоадошингизга шунчалик кўпроқ ёрдам берасиз, уни уйғотасиз.
Агар сиз ҳимоячи бўлсангиз, ярим ҳимоячилар билан гаплашишингиз керак, улардан чапга, ўнгга, тўп учун боришларини сўрашингиз керак.
Агар сиз ярим ҳимоячи бўлсангиз, ҳужум чизиғидаги ўйинчилар билан гаплашишингиз керак, бу сизнинг шерикларингизга ёрдам беради. Футбол шундай ишлайди, ҳар доим шундай бўлган», - деди «Бирмингем» бош мураббийи.
