«Манчестер Юнайтед»дан кетгач, эркин агент мақомига эга бўлган испаниялик машҳур дарвозабон Давид де Хеа ўз ватанида иш топиши мумкин.
Estadio Deportivo хабарига кўра, 33 ёшли дарвозабон Севильянинг «Бетис» клуби билан музокаралар олиб бормоқда.
Томонлар қишки трансфер ойнаси вақтида меҳнат шартномасини тузишлари мумкин. Клуб раҳбарияти Давидга қисқа муддатли меҳнат шартномаси таклиф қилади.
Де Хеа 2011 йилдан 2023 йилгача «қизил иблислар» сафида ўйнаган. У «Атлетико Мадрид» академиясининг битирувчиси ҳисобланади. Дарвозабон 2007 йилдан 2011 йилгача «матрасчилар» жамоасида ўйнаган, шундан сўнг «Туманли Албион»га ўтган.
