Муҳаммад Элюнусси Чемпионлар лигаси ўйинида Бруно Фернандешнинг хатти-ҳаракатларини танқид қилди.
Биринчи бўлим охирида «Копенгаген» футболчиси инглизлар дарвозасига белгиланган пенальти фонида «Манчестер Юнайтед» сардори билан можарога учради.
«Менимча, «Манчестер Юнайтед»ни кузатиб борган ва уни кўрган ҳар бир киши бу ерда доимо ҳакамлардан нолийдиган футболчи борлигини билади.
Мен уни ҳакамдан узоқлаштиришга ҳаракат қилдим ва: «Ҳаммаси аллақачон ҳал қилинган», дедим.
Менга ҳакамларга таъсир ўтказмоқчи бўлган ўйинчилар ёқмайди», - дея тушунтирди Копенгаген ярим ҳимоячиси ТВ2 телеканалида.
