Анге Постекоглу кетма-кет учинчи марта Премьер-лигада ойнинг энг яхши мураббийи деб топилди.
“Тоттенхэм”нинг 58 ёшли австралиялик бош мураббийи август, сентябрь ва октябрь ойлари натижаларига кўра совринни қўлга киритди.
Постекоглу Премьер-лигадаги дастлабки уч ойининг ҳар бирида совринни қўлга киритган биринчи мураббийдир.
Бунгача уч ой кетма-кет совринни фақат учта мураббий қўлга киритган - Антонио Конте, Пеп Гвардиола ва Юрген Клопп. Рекорд Пепга тегишли - у 2017/18 йилги мавсумда кетма-кет 4 марта ғалаба қозонган.
"Тоттенхэм" октябрь ойини турнир жадвалида биринчи ўринда якунлади ва ўша ойдаги барча ўйинларда ғалаба қозонган ягона жамоага айланди. Лондонликлар учта ғалабага эга - "Лутон" (1:0), "Фулхэм" (2:0) ва "Кристал Пэлас" (2:1).
