Ушбу ҳафтада "Реал Мадрид" ярим ҳимоячиси Жуд Беллингем Чемпионлар лигаси доирасида "Брага"га қарши ўйинда майдонга тушмади. Бироқ, инглиз футболчиси шанба куни, "Лос-Бланкос" ўз майдонида "Валенсия"ни қабул қиладиган ўйинда майдонга қайтиши керак. Бу ҳақда Мадрид жамоаси бошқарувчиси Карло Анчелотти гапирди.
“Беллингем бугун машғулот ўтказди ва ўзини яхши ҳис қилмоқда. У қайдномада бор, агар ғайриоддий ҳеч нарса бўлмаса, эртага ўйнайди", - дея Анчелоттининг матбуот анжуманидан иқтибос келтирди Madrid Xtra.
Испания чемпионати доирасидаги "Реал Мадрид" - "Валенсия" учрашуви 12 ноябрь куни Тошкент вақти билан соат 01:00да бошланади. Айни пайтда Карло Анчелотти жамоаси Ла Лига турнир жадвалида иккинчи ўринда бормоқда.
