Мадриднинг “Реал” клуби бош мураббийи Карло Анчелотти Ла Лига доирасида “Валенсия”га қарши уй учрашуви олдидан журналистлар билан суҳбатлашди. Италиялик мураббийдан одатдагидек Мадрид клубидаги келажаги ҳақида сўрашди.
"Реал" билан шартнома узайтирилдими? Бу ҳақда ўйлаш учун вақт керак", - дея Анчелотти сўзларини келтирмоқда Madrid Xtra.
Хабарингиз бор, Карло Анчелоттининг “Реал” билан амалдаги шартномаси 2023/2024 йилги мавсум охиригача амал қилади. Аввалроқ, миш-мишлар италиялик мутахассисни Бразилия терма жамоаси билан фаол боғлаган эди. "Селесао"да ҳозирча доимий мураббий йўқ.
"Реал Мадрид" ҳозирда Ла Лига турнир жадвалида иккинчи ўринда бормоқда.
