"Штутгарт" ҳужумчиси Серу Гирасси "Бавария"да ўйнаётган Гарри Кейн ҳақида гапирди.

"Жаҳон тоифасидаги ҳужумчи - Кейн билан рақобат қилиш ўзгача нарса. Менимча, у Бундеслигадаги кўплаб ҳужумчиларни у билан рақобатлашиш учун ўз савиясини оширишга ундади.

Мен телевизорда кўп футбол томоша қиламан, Левандовски, Кейн ёки Холанд каби футболчиларнинг ўйинларини томоша қилишни ва уларнинг ҳаракатларини таҳлил қилишни яхши кўраман.

Сиз энг яхшилардан ўрганасиз. Гол уриш - бу санъат", - деди Гирасси.

Эслатиб ўтамиз, Германия чемпионати тўпурарлик пойгасида Гирасси ва Кейн пешқадам бўлиб турибди.

27 ёшли франциялик футболчи 8 та ўйинда 14 та гол урган бўлса, 30 ёшли англияликда 10 та ўйинда 15 та гол бор.