"Ювентус" ҳозирда "Атлетико"да ўйнаётган ҳужумчи Альваро Моратанинг сафга қайтишига қизиқмоқда. Бу ҳақда журналист Даниэле Лонго хабар бермоқда.
Қайд этилишича, "Атлетико" билан шартнома узайтирилиши бунга халақит бериши мумкин. Ёзда 31 ёшли испаниялик футболчи бошқа жамоага ўтишга яқин турганди, бироқ мавсум бошидаги муваффақиятли ўйинларидан сўнг мадридликлар раҳбарияти билан муносабатлари мустаҳкамланди.
Форварднинг амалдаги шартномаси келаси ёзда якунига етади.
Мората бунгача икки марта "Ювентус"да ўйнаган - 2014 йилда у "Реал"дан 20 миллион еврога сотиб олинган, 2020 йилда эса "Атлетико"дан икки йилга ижарага олинган.
Жорий мавсумда Альваро 14 та ўйин ўтказиб, 12 та гол ва 3 та голли узатмани амалга оширди.
