"Манчестер Юнайтед" бош мураббийи Эрик тен Хаг жамоанинг ҳимоядаги муаммолари ҳақида гапирди.
Яқинда Чемпионлар Лигаси доирасида "Копенгаген"га қарши ўйинда инглизлар тўртта гол ўтказиб юборди (3:4). Бундан бироз аввалги ўз уйларида "Ньюкасл" ва "Манчестер Сити"дан 0:3 ҳисобида мағлубиятга учраганди.
“Тактиками ёки психологиями? Гап, албатта, тактикада эмас – футболчилар бундай вазиятларда нима қилиш кераклигини билишади. “Копенгаген” билан ўйин якунида кўп хатоларга йўл қўйилганини тушунамиз. "Биз ўз жарима майдонимизни яхшироқ назорат қилишимиз керак", деди нидерландиялик мураббий шанба куни бўлиб ўтадиган "Лутон"га қарши АПЛ ўйинидан олдин.