«Реал Мадрид» бош мураббийи Карло Анчелотти Испания чемпионатининг 13-тури доирасида «Валенcия»га қарши ўйин олдидан май ойида «кўршапалаклар» мухлислари ва Мадрид клуби ҳужумчиси Виниcиус билан боғлиқ ирқчилик можаросини эслади.
«Йўқ, биз Виниcиус «Валенcия»га қарши ўйинда бошдан кечирган ирқчилик ҳақида гапирмадик. Айтганимдек, биз асосий эътиборни «Валенсия»га қаратмоқдамиз, у жуда яхши жамоа. Бу жуда шиддатли ўйнайдиган жамоа. Бу биз гаплашган ягона нарса.
Шунинг учун биз ўйинни энг юқори шиддат билан ўтказмоқчимиз. Ўйлайманки, стадионга келган мухлислар максимал даражада хотиржамлик билан келиб, учрашувдан завқ олишлари керак.
Бу ўйин томоша қилиш учун ажойиб бўлади, чунки икки жамоа жуда шиддатли футбол ўйнашади. Келинг, «Валенсия» мухлисларининг стадионга муаммосиз ва тўлиқ хотиржамлик билан келишига имкон берайлик», — деди Анчелотти.
