Исроил терма жамоаси футболчилари, мураббийлари ва ходимлари Болқон ярим оролига – Косово пойтахти Приштинага муваффақиятли етиб келишди, деб ёзади Apnews.
Исроил жамоаси аэропортидан меҳмонхонагача бўлган йўл ўзига хос тарзда ташкил этилган – футболчиларга хавфсизлик хизмати ходимлари ҳамроҳлик қилишган.
Эслатиб ўтамиз, эртага, 12 ноябрь куни исроилликлар Косово терма жамоасига қарши Евро-2024 саралаши қолдирилган ўйинини ўтказади. 15 ноябрь куни эса Швейцарияга қарши баҳс олиб боради.
Аввалроқ ҳаво рейд сигнали туфайли Исроил терма жамоаси футболчилари аэропортга кетаётганда автобусдан тушиб, ариқга яширинишга мажбур бўлгани хабар қилинганди.
